نێودەوڵەتی – INA
سەرۆکی ئەمریکا دۆناڵد ترامپ، ئەمڕۆ سێشەممە، جەختی کردەوە کە دامەزراوە ئەتۆمییەکانی ئێران لە کاتی گونجاودا دەخرێنە ژێر پشکنینەوە.
ترامپ لە لێدوانێکی ڕۆژنامەوانیدا کە ئاژانسی هەواڵی عێراقی (INA) بەدواداچوونی بۆ کردووە، ڕایگەیاند: "دامەزراوە ئەتۆمییەکانی ئێران لە کاتی گونجاودا دەخرێنە ژێر پشکنینەوە."
وتیشی: "ئێران هەرگیز نابێتە خاوەنی چەکی ئەتۆمی"، ڕوونیشی کردەوە کە "لەگەڵ ئێرانییەکاندا ڕێککەوتن کراوە بۆ ڕێکخستنی سەردانی پشکێنەرانی ئاژانسی نێودەوڵەتیی وزەی ئەتۆم بۆ ئێران."
جەختیشی کردەوە کە "پشکێنەرانی ئاژانسی وزەی ئەتۆم لە کاتی گونجاودا لە ئێران دەبن."
ترامپ ئاماژەی بەوەش دا: "ئێمە ئێرانمان خستە دۆخێکی بێپێشینەوە و سوپا و سەرکردەکانیمان تێکشکاند."
