بەغداد - INA
سەرۆکی ئەنجومەنی نوێنەران هەیبەت حەلبووسی، ئەمڕۆ سێشەممە، ستایشی ئەو هەوڵانەی کرد کە دەدرێن بۆ بەدواداچوونی مەلەفەکانی گەندەڵی و چەسپاندنی بنەماکانی ڕوونی و لێپرسینەوە .
نووسینگەی ڕاگەیاندنی سەرۆکی ئەنجومەنی نوێنەران لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه: "سەرۆکی ئەنجومەنی نوێنەران هەیبەت حەلبووسی، پێشوازی لە سەرۆکی دەستەی دەستپاکی فیدراڵی محەمەد عەلی لامی، و سەرۆکی دیوانی چاودێری دارایی فیدراڵی عەممار سوبحی مەشهەدانی کرد."
له راگهیندراوهكهدا ئهوهیش هاتووه كه: "لە کاتی کۆبوونەوەکەدا، باس لە چەندین مەلەفی پەیوەندیدار بە کارەکانی دەستەی دەستپاکی و دیوانی چاودێری دارایی کرا، کە تێیدا سەرۆکی ئەنجومەنی نوێنەران گوێبیستی خستنەڕوویەکی بەپێز و ورد بوو سەبارەت بە دیارترین ئەو ڕێکار و دەستکەوتانەی کە لە بواری بەرەنگاربوونەوەی گەندەڵی، بەهێزکردنی ڕێکارەکانی چاودێری و پاراستنی ماڵی گشتیدا بەدیهاتوون."
بەگوێرەی راگهیندراوهكه، سەرۆکی ئەنجومەنی نوێنەران جەختی لەسەر "پاڵپشتیکردنی بۆ هەوڵەکانی دەستەی دەستپاکی فیدراڵی و دیوانی چاودێری دارایی" کردووەتەوە، و ستایشی "ئەو هەوڵانەی کرد کە ئەم لایەنانە دەیانخەنە گەڕ لە بەدواداچوونی مەلەفەکانی گەندەڵی و چەسپاندنی بنەماکانی ڕوونی و لێپرسینەوەدا."
