بەدواداچوون ـ INA
سەرچاوەیەکی ئاگادار لە شاندی دانوستانکاری ئێران، ئەمڕۆ چوارشەممە ئاشکرایکرد: واشنتۆن لە ڕێگەی نێوەندگیری پاکیستانییەوە دەقێکی نوێی پێشکەش کردووە.
ئاژانسی "تەسنیم"ی ئێرانی لە زاری سەرچاوەکەوە گواستوویەتیەوە: "واشنتۆن لە ڕێگەی نێوەندگیری پاکیستانییەوە دەقێکی نوێی پێشنیازکراوی پێشکەش کردووە."
سەرچاوەکە ئاماژەی بەوەشکردووە: "نێوەندگیرە پاکیستانییەکە کە ئێستا لە تارانی پایتەختە، هەوڵدەدات بۆ کەمکردنەوەی جیاوازییەکانی نێوان دەقەکان،" ڕوونیشیکردەوە: "تاران تاوەکو ئێستا وەڵامی پێشنیازەكەی ئەمریکای نەداوەتەوە."
