بەدواداچوون - INA
دۆناڵد ترامپ، سەرۆکی ئەمریکا جەختیکردەوە: وڵاتەکەی هیچ سزایەکی سەر ئێران لانابات، بە هەمان شێوە هیچ لێخۆشبوونێکی نەوتیشی پێ نادات، مەگەر لە حاڵەتێکدا کە بگەنە ڕێککەوتنێکی نوێ و ئیمزاکراو لە نێوان هەردوولادا.
ترەمپ لە لێدوانێکدا کە ئاژانسی هەواڵی عێراقی بەدواداچوونی بۆ کردووە، ڕایگەیاند: "هیچ سزایەک لەسەر ئێران لانابەم تاوەکو دەگەینە ڕێککەوتن"، هەروەها بە جەختکردنەوەوە: "هیچ لێخۆشبوونێکی نەوتی بە ئێران نادەم تا ڕێککەوتنێک ئیمزا نەکات، و پێشنیاری پێشکەشکردنی شتی واشمان نەکردووە".
زیاتری ڕۆشنکردەوە: "ئەگەر وەڵامی ڕاست و دروستمان لە ئێرانەوە دەستنەکەوێت، ئەوا کارەکان بە خێراییەکی ئێجگار زۆر بەڕێوەدەچن، و ئێمە هەموومان لەوپەڕی ئامادەییداین بۆ جووڵە"، لە هەمان کاتدا ئاماژەی بەوەشکرد: "لە ئێراندا کەسانی زیرەک و بەهرەمەند هەن، و هیوادارین گرێبەستێکی باش بۆ هەردوولا ئیمزا بکەن".
لە بەردەوامی قسەکانیدا وتی: "ئەگەر بە ڕێژەی ١٠٠٪ وەڵامی ڕاستمان لە ئێرانەوە پێبگات، ئەوا کات و هەوڵ و گیانێکی زۆر دەپێورێنین بۆ کۆمەڵێک بابەت کە ڕەنگە زۆر بە خێرایی تێپەڕن، یان ڕەنگە چەند ڕۆژێک بخایەنن، بەڵام لەوانەشە بە خێراییەکی سەر سوڕهێنەر کۆتاییان بێت".
