شەفەق نيوز – بەغداد
فەرمان دەسگیرکردن دادوەری وەبان شێخ عەدای غرێری ئیمام و خەتیب مزگەفت عومەر موختار لە بەغداد پایتەخت دەرچگ، وە توومەت دەسدرویژیکردن ئاشکرا وەبان باوەڕەیل ئاینی.
وەگورەی بەڵگەنامەیگ کە ئاژانس شەفەق نیوز نووڕیەی، دادگای بەغداد/ کەرخ یاداشت دەسگیرکردن وەگورەی مادەی 372 لە یاسای سزادان عراقی دەرچگە.
بڕیارەگە داوای هاوردن غرێری ئەرا وەردەم دادگا کەێد، جویر توومەتبار لەو سکاڵا کە لە دادگای کەرخ لە باوەتەیل بڵاوکردن و راگەیانن لەبانی توومار کریاس.
دویەکە سێشەممە، دادگای بەغداد/ کەرخ، یاداشت دەسگیرکردن لەبان شاعریگ وەناو عەبدولحسێن حاتەمی دەرکرد هەمیش وە توومەت دەسدرویژیکردن لەبان باوەڕەیل ئاینی.