شەفەق نيوز/ سەرچەوەیگ پزشکی لە فەرمانگەی تەندروسی سەڵاحەدین، ئمڕوو چوارشەممە، خەوەردا لە توومارکردن یەکەمین تویشهاتن وە تەو خوینوەربوین لە قەزای سامەڕا.
سەرچەوەگە ئەرا ئاژانس شەفەق نیوز وت: لایەنەیل تەندروسی ئەنجام وەشکین (RT-PCR CCHF) ئەرا هاوڵاتییگ خەڵک سامەڕا کەفتە دەسیان، و نشان دان کە نموونەگە پۆزیتیفە کە تویش ڤایرۆسەگە هاتگە.
سەرچەوەگە دیاری کرد کە بیمارەگە وەناو عوسمان ساج مەدلول، لە تەمەن 41 ساڵە، لە مەی حوزەیران نموونە لەلی کیشیاس، و ئەرا تاقیگەی تەندروسی گشتی لە بەغداد کلکریا، کە وە فەرمی تویشهاتنی وە بیماریەگە دووپات کرد.
وتیش: تیمەیل تەندروسی دەسکردن وە جیوەجیکردن ریکارەیل کەرەنترین، و کەفتیەسە فتراق ئەو کەسەیلە کە وەگەرد بیمارەگە تیکەڵا بوینە، وەگەرد خەسەوکردن تەقەلایل هوشیاری و چەودیاریکردن لەو ناوچەیلە کە رخداری بیماریەگە لەناویان هەس.
یە یەکەمین تویشهاتنە لەی ساڵە لە قەزای سامەڕا توومار کریەێد، کە هیشت لایەنەیل تەندروسی ئامادەباشی بەرزەو بکەن.