شەفەق نيوز/ سەرچەوەیگ ئەمنی لە بەغداد، خەوەردا لە کوشیان دویەتیگ وەدەس برا پولیسەگەی، لە ناوچەی عوبەیدی خوەرهەڵات پایتەخت.
سەرچەوەگە ئەرا ئاژانس شەفەق نیوز وت: دویەتیگ وە دەس و دەوانچەی براگەی لەناو ماڵیان لە ناوچەی ریئاسەی عوبەیدی خوەرهەڵات بەغداد کوشیا.
وتیش: بکوشەگە وەگەرد پولیس فیدڕاڵی کار کەێد، و دیاری کرد کە دەزگایەیل ئەمنی کەفتنەسە مینەی، و لێکۆڵینەوە لە رویداوەگە واز کردن.