عراقیەیل هانە رزبەن یەکەم عەرەب لە گەشتکردن ئەرا تورکیا

شەفەق نیوز/ وەزارەت رووشنهویری و گەشتوگوزار تورکیا راگەیان، لەماوەی چارەک یەکەم ئمساڵ عراق ها لە پلەی یەکەم لە شمارەی گەشتیارەیل عەرەب.

وزارەتەگە لە ئاماریگ کە ئاژانس شەفەق نیوز دیەسێ راگەیان، عراق ها لوتکەی وڵاتەیل عەرەبی لە شمارەی گەشتیاری لە چارەک یەکەم ساڵ 2025 کە شمارەی گەشتیارەیلی رەسیە ئەرا  186 هەزار و310 کەس، لەدویای سعودیە وە  103 هەزار  گەشتیار، جەزائیر وە سێیەم تێد وە  63 هەزار گەشتیار لیبیا چوارەمە وە 42.4 هەزار گەشتیار و لوبنان پەنجەمە وە 41.7 هەزار گشتیار.

مەغرب شەشەمە وە 40.1 هەزار گەشتیار، ئۆردن هەفتەمە وە 39.7 هەزار گەشتیار و میسڕ هەشتەمە وە  39.4 هەزار کویت دەیەمە وە  35.5 هەزار گەشتیار، لە کۆتایش تونسە وە 31.6 هەزار گەشتیار.