شەفەق نیوز/ فەرمانگەی تەندروسی ئەنبار، ئمڕوو دووشەممە، راگەیان 27 پسای تاسیان لە قەزایەیل خوەرئاوای پارێزگاگە توومارکردنە، لە ئەنجام ئەو شەپول خوەڵوارین تونە دایەس لە شماریگ لەو ناوچەیلە.
وەڕێوەبەر راگەیانن فەرمانگەگە محەمەد قەیسی وە ئاژانس شەفەق نیوز وت "پسایەیل وەیجویرە بەشەوبوون: دووان لە خەستەخانەی گشتی حەدیسە، 6 پسای لە خەستەخانەی گشتی راوەت، و 15 کەس لە خەسخانەی گشتی عانە،وەرد 4 پسای لە خەستەخانەی گشتی قائم".
وتیش "گشت پسایەل چەودێری پزیشکی گونجیاگ کریانە، فرەیگیان پلەی تایسانیان کەم تا ناوڕاس بویە، وەپای پرۆتۆکۆلەیل تەندروسی پشت وەپی بەسریاگ مامەڵە وەگەردیان کریاس".
دووپاتکرد "فەرمانگەگە وردەوامە لە چەودێریکردن بارودۆخەگە وە هەماهەنگی وەرد دەزگایەیل تەندروسی گشت پارێزگاگە" دووپاتکرد "ئامادەن ئەرا مامەڵەکردن ورد هەر پسایگ لەناوکاویگ ئەرا مسۆگەرکردن سەلامەتی هاوڵاتیەیل".