شەفەق نيوز/ خیزان پەروەردەیی لە فەلوجە لە پارێزگای ئەنبار، ئمڕوو شەممە، خەفەتبار بوی وە مردن مامووستا جاسم محمد ئەحمەد جومەیلی لە ئەنجام تویشهاتنی وە تەزیان کارەبا، لە وەختیگ خوەنەواریگ لەبان ری کەرکوک و هەولێر لە ئەنجام رویداویگ هاتوچو گیانی لەدەسدا.
وەڕیەوبەرایەتی پەروەردەی فەلوجە، و قسەیل قویلیگ پرسە و سەرەخوەشی وە مردن ئەو مامووستا کرد کە لە مەکتەو سەرتایی شموس تیکەڵ مامووستا بەسە، و باس دڵسووزیی لە رەسانن پەیام پەروەردەیی کرد.
وتیش: مردنی لەدەسدان گەورەیگە ئەرا یەکیگ لە کادرەیل خوەنەواری جیاواز لە قەزاگە.
لە رویداویگ جیا، سەرچەوەیگ پزشکی لە پارێزگای کەرکوک، خەوەردا لە مردن خوەنەواریگ زانکۆ لە زانکۆی کتاب تایبەت لە ئەنجام رویداویگ هاتوچو دڵتەزن لەبان ری کەرکوک و هەولێر، لەناو سنوور ناحیەی ئاڵتوون کوپری باکوور پارێزگاگە.
سەرچەوەگە ئەرا ئاژانس شەفەق نیوز وت: ئەو خوەنەوارە لەڕیەو بویە وەرەو جیوەجیکردن تاقیکردن کۆتایی لە زانکۆ، هەناێ ماشینەگەی داد لە ماشینیگ بارهەڵگر، لە ئەنجام تونی رانین بەرزیگ، کە لەوەر زەخمداربوینی لە سەر و سینەی گیانی لەدەسدا.
وتیش: تیمەیل فریاکەفتن رەسینە شوین رویداوەگە، وەلێ خوەنەوارگە وەرجە رەسینیان گیانی لەدەسداوێد، و تەرمەگەی ئەرا پزشک دادوەری بریا.