شەفەق نيوز/ سێ مەدەنی زەخمدار بوین، لە ئەنجام مرافەیگ لەناو بڕیگ مناڵ، ئمڕوو سێشەممە، لە نزیک بینای دادگای کوینەی کەرکوک، تا رەسیە جومج وە دەس و چشتە تیژەیل و کوتەک.
سەرچەوەیگ ئەمنی ئەرا ئاژانس شەفەق نیوز وت: وەردەوەردەیگ ئاسایی کەفتە ناوەین زاڕووەیل، رەسیە جەنگ سەختیگ لەلایەن کەسوکارەیلیان، کە بویە مدوو زەخمداری سێ کەس.
سەرچەوەگە وتیش: پولیس رەسیە شوین رویداوەگە و توەنست ناوجی بکەێد، و کەسەیلیگ دەسگیر کرد، ئەرا جیوەجیکردن ریکارەیل یاسایی.
بەشیگ لە ناوچەیل کەرکوک هەر ماوەی جاریگ ئیجویر وەردەوەردەیگ وەخوەیان دوینن، کە هیلێد لایەنەیل ئەمنی ئامادەبوینیان لەو شوینەیلە خەسەو بکەن، ئەرا مقیەتیکردن ئاسایش گشتی.