شەفەق نیوز/ هەڵوژاردەی تێنس پارا ئۆڵۆمپیاد عراقی بەشداری کەێد لە پاڵەوانیەتی جام جەهانی کە لە ئانتالیای تورکیا وەڕیوەچوود لە 6 تا 11 ئایار ئمساڵ.
وەفدیگ لە هەڵوژاردەی عراقی رەسیە ئەنتالیا و دەسکردە راهێنانەیل کە پێکتێد لە راهێنانەیل شەوەکی و ئیوارە وە ئامانج بەرزەوکردن توانای بازیکەرەیل.
ئەندام نویسینگەی راگەیانن لیژنەگە سەمیرە شاکر وە ئاژانس شەفەق نیوز وت: " هەڵوژاردەگە ماوەی 15 رووژ لە سەربازگەی ناوخوەیی بوی ئامادەکاریکردن ئەرا پاڵەوانیەتیە سوو دەسوەپیکەێد.
دیاریکرد، "شاندەگە پێکهاتبوی لە ئەسما حەمەد، عەلی کازم جویر کارگێڕ و وەرگێڕ، هەمیش راهێنەر بەها ئەلدین عەلی، بیجگە لە بازیکەرەیل حسێن حەمەد، ناسر مەهدی، و محەمەد ئەلمەهدی یوسف.
دیاریکرد، "فیدراسیۆن ناودەوڵەتی تێنس پارا ئۆڵۆمپیاد لە پەراوێزی پاڵەوانێتییەگە کۆبوونەوە وەرد بازیکەرەیل و راهێنەرەیل و تیپە بەشداربویەیل ئەنجامدەێد ئەرا گووشگردن لە پیشنیارەیلیان لەباوەت ریگەیل ئەوزەڵداین وە بازیەگە لەبان ئاست جەهان.