شەفەق نیوز/ دەسەی دەروازە سنووریەیل عراق، ئمڕوو شەممە، راگەیان وەڕێوەبەرایەتی دەروازەی بەندەر ئوم قەسر لە پارێزگای بەسرە باشوور عراق تەقەلای قاچاخکردن باریگ گەپ لە چەک راوکردن پویچەوکردیە.
دەسەگە لە بەیاننامەیگ رەسیە ئاژانس شەفەق نیوز راگەیان، کارمەنەیل وەڕێوەبەرایەتی دەروازەیل دەسگردنە وەبان کۆنتێنەریگ وە قەوارەی 40 پا لە خاڵ وشکین دەێشت سنوور گومرک، لە وەخت دویزەوکردن لە مامەڵەیل و بەراوردکردنی وەرد بارەگە دەرچگە 3,200 چەک راوکردن لە ژیر کەرەستەیل ریوەپی دریاگ شاریانەسەو.
وتیش، ئەو چەکەیلە دەس وەبانیان گیریاس ئامادەکریانە ئەرا قاچاخکردن کە ئەرا هاوردەکردنی هەوەجەی وەدەسهاوردن رەزامەنی ئەمنی و دەرکردن موولەت هاوردەکردن فەرمی کەێد.
دووپاتکرد، راپۆرتیگ ئامادەکریاس و کۆنتێنەرەگە ئەرا بنکەی پۆلیس گومرک ئوم قەسر باکوور کلکریاس تا رێکارەیل یاسایی وەرانوەریان وەربگیرێد.