شەفەق نيوز/ سەرچەوەیگ ئەمنی، ئمڕوو شەممە، خەوەردا لە خوەیکوشتن دویەتیگ خوەنەوار لەناو یەکلج لە زانکۆەیل عراق، لەناو رەوشەیل نادیاریگ.
سەرچەوەگە ئەرا ئاژانس شەفەق نیوز وت: دویەتیگ خوەنەوار لە قۆناغ یەکەم لە بەش یاسا لە زانکۆی (ئیمام سادق) لە پارێزگای نەجەف، خوەی لە قات بانین لەناو زانکۆ خستە خوار و گیانی لەدەسدا.
سەرچەوەگە وتیش: هیمان مدووەیل خوەیکوشتنی نادیارە، و لێکۆڵینەوە لە رویداوەگە واز کریا.
لە زیقار، سەرچەوەیگ ئەمنی ئەرا ئاژانس شەفەق نیوز وت: دویەتیگ لەناو تەمەن بیس ساڵان، لە ناو ماڵەکەی لە ناوچەی سینیە لە قەزای فەجر باکوور پارێزگاگە مەوقەی پاکەوکردن ناوماڵە تویش گولە هات، هەناێ تفەنگیگ کەفتە بان زەوی و گولە لەلیەو مەرەقەز بوی، و ئەرا خەسەخانە بریا، و زەخمەگەی سەختە.
سەرچەوەگە دیاری کرد کە برای دویەتەگە وتیە ئەو تفەنگە هن خوەی بویە، کە لە شوانی وەکاری تیەرێد، چوینکە هانە ئاوای دویریگ.