شەفەق نيوز/ حکومەت ناوخوەیی لە پارێزگای سەڵاحەدین، ئمڕوو شەممە، بەرزەوبوین ئامار قوربانیەیل رویداو ئاگر تەلار ئەمین ئەرا فرووشتن ناوماڵە ڕاگەیانن کە لە گەڕەک زهور لە شار تکریت رویدا، کە رەسیە کوشیان و زەخمداری 11 کەس.
حکومەت ناوخوەیی لە بەیاننامەیگ وت: تیمەیل وەرگری شارستانی و پولیس تکریت وەکوتپڕ رەسینە شوین رویداوەگە و توەنستن ئاگرەگە کپەو بکەن، دویای چەن ساعەتیگ لە رەنج و تەقەلا.
بەیاننامەگە وتیش: کوشیان پەنج کەس توومار کریا، و شەش کەسیش تویش سزیان و تاسیان سووکیگ هاتن، و ئەرا خەسەخانە بریان.
وتیش: زانیاریەیل سەرەتایی نشان دەن کە مدوو ئاگرەگە لەوەی شۆرت کارەبایی بویە.
دویەکە جمعە، سەرچەوەیگ ئەمنی خەوەردا کە رویداو ئاگر وە گەڕەک زهور ناوڕاس تکریت ناوەند پارێزگای سەڵاحەدین بویە هوکار کوشیان سێ کەس.