شەفەق نیوز/ دوو سەرچەوەی ئەمنی لە بەسرە و دیالە، ئمڕوو شەممە، خەوەردا لە مردن زیندانی گەنجیگ و زەخمداری دوو دەوکەر ناودەڵەتی لە ماراسۆنیگ وەرزشی، و پەیاکردن تەرم مناڵیگ خنکیایگ لە دویای چەن رووژیگ لە مینەکردن.
سەرچەوەیگ ئەمنی لە بەسرە، وە ئاژانس شەفەق نیوز راگەیان، زیندانیگ لەداڵگبوی 2003 کە وە دۆسیەی مادەی هووشبەر سزادریابوی ئمڕوو گیان لەدەسدا لەدویای چەن رووژیگ لە خەفاننی لە خەستەخانەی فێرکاری سەدر لەناوڕاس پارێزگاگە.
سەرچەوەگە وتیش، لە راپۆرتەیل سەرەتایی دەرچگە هووکار مردنەگەی چوودەو ئەرا تویشهاتن وە بیماری سیل.
لە بەسرەش، سێ دەوکەر ناودەوڵەتی کلکریانە خەستەخانەی کوەێتی لەناوڕاس شارەگە لەدویای زەخمداریبوینیان لە ماراسۆنە ناودەوڵەتیەگە کە دویەکە جومعە ئەنجامدریا.
سەرچەوەگە وە ئاژانس شەفەق نیوز خەوەردا، لە ئەنجام تەقەلاداین بەرزیگ و شەکەتی ماسیڵچەیل دڵ تویشهاتنە.
لە رویداویگ ترەک سەرچەوەیگ ناوخوەیی لە دیالە، خەوەردا لە پەیاکردن تەرم مناڵیگ لە دویای دوو رووژ لە خنکیانی لەناو چەم عوزێم لەناوەین پارێزگایەیل دیالە و سەڵاحەدین.
ئاشکرایکرد، تەرمەگە پەیاکریا، و لەدویای هەڵمەتیگ دەیان هاوڵاتی ئەرا مینەکردنی دراوریا.