شەفەق نیوز/ وەڕێوەبەر فەرمانگەی تەندروسی کەرکوک ئەرجان محەمەد ، ئمڕوو دووشەممە، خاسەوبوین یەکیگ لەبیمارەیل وە تەواوی لە تەو خوینوەربوین و دەرچگنی لە خەستەخانە راگەیان، شمارەی ئەو بیمارەیلە لەوەر بیماریەگە کەرەنتین کریانە کەمەوبوی ئەرا یەک کەس.
رەشید وە ئاژانس شەفەق نیوز وت "بیمارەگە خاسەوبویە خەستەخانە وەجی هیشتیە لەدویای تەواوکردن ماوەی چارەسەرەگەی و یمەیل پزیشکی دووپاتکردن لە خاسەوبوینی وە تەواوی" وتیش "بارودۆخ تەندروسی هاژیر کۆنترۆل، ئیرنگە تەنیا یەک بیمار مەنییە چارەسەر پێویست وەرگرێد".
وەڕێوەبەر تەندروسی کەرکوک دووپاتکرد، تیمەل پزیشکی و خوەپارێزی وەردەوامن لە چەودێریکردن بارودۆخەگە و جیوەجیکردن رێکارەیل خوەیپارێزی، داوا لە هاوڵاتیەیل کەێد "پابەندبوون لە تەمێ تەندروسی و هاوکاریکردن لایەنەیل پەیوەنیدار و خەوەرداریان بکەن لەهەر حالەتیگ جویر بیماریەگە".
تەو خوینوەربوین بیماریگ ڤایرۆسییە هاتێ بوودە هووکار تویشهاتن بیماری تونیگ و رخداریگ هەڕەشە وەبان ژیان دروسبکەێد، جویر تێکچگن دیوار خوینبەرەیل بویچگ کە لە ئەنجام خوین لەلی دەرچێد و یاتویش خوین مەیین بوود.