شەفەق نیوز/ سەرچەوەیگ لە پارێزگای نەجەف، ئمڕوو یەکشەممە، خەوەردا 4 حالەت خوەیکوشتن لە ماوەی 72 ساعەت وەرین لە پارێزگاگە توومارکریاس.
سەرچەوەگە وە ئاژانس شەفەق نیوز وت "گشت حالەتەیل خوەیکوشتنەیل رەگەزیان نێر بویە، 3 گلەیان لەی تەقەکردن لە خوەیان و یەکیگیان هەڵواسین خوەی بویە".
وتیش "کۆتا خوەیکوشتن مناڵیگ بویە کە خوەی لەبان خانگ ماڵ هەڵواسیە، وە مدوو خوسەداربوینی وە مردن هاوڕیەگەی وە بیماری شێرپەنجە لەماوەی چەن رووژ وەرین".