شەفەق نیوز/ سەرچەوەیگ پزیشکی لەپارێزگای کەرکوک، ئمڕوو شەممە، خەوەردا دویەمین حالەت مردن لەڕی تویشهان وە تەو خوینوەربوین لەماوەی ئمساڵ توومارکریا، وەگەرد هووشداریدان لە بڵاوبوین بیماریەگە و بەرزەوبوین پلەی گەرمی.
سەرچەوەگە وە ئاژانس شەفەق نیوز وت، "پەرەستار گەنجیگ وەناو یادگار نوری تەمەن بیس ساڵان کە لە چوارچمگ کارمەندەریل فەرمانگەی تەندروسی کەرکوک کارکرد، لە ئەنجام تویشهاتن وە خوینوەربوین فرەیگ وە مدوو تویشهاتن وە تەو خوینوەربوین گیان لەدەسدا".
دیاریکرد، نوری وەرجە چەن رووژیگ تویشهاتبوی، ئرا چارسەرکزدن کلکریابویە خەستەخانە، باوجی بارودۆخی تەندروسی تێکچگە بویەسە مدوو مردنی، ئاشکرایکرد یە وە دویەم حالەت دانرێد لەدویای مردن پییایگ خەڵک ناحیەی تازە خورماتو باشوور پارێزگاگە لە ماوەی گوزەشتە.