شەفەق نیوز/ سەرچەوەیگ ئەمینی لە میسان باشوور عراق، ئمڕوو پەنجشەممە، خەوەردا لە زەخمداری ئەندامیگ ئەمنی لە پۆلیس فریاکەفتن وە گولەی وێلیگ لە قەزای قەلعەت ساڵح لە پارێزگاگە.
لەرویداویگ ئەمنی ترەک لە پارێزگای زیقار بەڕەنگاربوین تاوانەیل هویردەکاری ئاگادارکردنەوەیگ دروکانی ئاشکراکرد لەباوەت رویداویگ "دزیکردن"، کە لەدویای دەرکەفتیە تەقەلای هەڵخەلەتاننە وە مدوو گیچەڵەیل دارایی بویە.
فەرماندەیی پۆلیس زیقار لە بەیاننامەیگ رەسیە ئاژانس شەفەق نیوز راگەیان، "بنکەی پۆلیس بەتحا ئاگادارکردنەوەیگ وەپیان رەسی وەلایەن هاوڵاتیگ کە گوایە وەلایەن کەسەیلیگ نەناسریاگ بڕ 25 ملیۆن دیناری دزیایە،لەدویای تەقکردن لەو ماشینە لەناوی بویە".
وتیش؛ فەرماندەی پۆلیس پارێزگاگە فەرمان دروسکردن تێمیگ لێکۆڵینەوە دا لە دژە تانەیل زیقار ئەرا چەودێریکردن ولێکۆڵینەوە لە چۆنیەتی رویداوەگە".
وەپایبەیاننامەگە، "لە لێکۆڵینەوەیل تەکنیکی و ئاسەوار گولەگە وەلایەن کەسەیل پسئۆر راگەیاننخەوەرەگە راس نییە، رویوەروی ئاگادارکەرەوەگە و هاوڕێیەگەی بونە وە بەڵگەوە، و تووەتبار (ح.ح.ع) لە داڵگبوی 1992 دان وە رویداوەگە دانایە وە هاوکاری وەرد توومەتبار (ع.م.ع)، وە مدوو گیچەڵەیل دارایی بویە".
لێدووانەیلیان لە دادگا توومارکریاس، دادوەر لێکۆڵەر بریار بەندکردنیان دا وەپای مادەی 243 لە یاسای سزادان عراقی، ئەرا تەواوکردن رێکاریەیل یاسایی.0