شەفەق نیوز/ پارێزگای کەرکوک، ئمڕوو رویداویگ مردن دەگەمەنیگ خوەنەواریگ 15 ساڵان وە خوەی دی ، لەئەنجام تویشهاتن وە نۆرەی دڵ وە مدوو بەرزەوبوین لەناوکا پەستان خوین.
سەرچەوەیگ پزیشکی وە ئاژانس شەفەق نیوز وت، "خوەنەواریگ پۆل سێ ناوەندی وەناو (ع. ث)، بریاسە خەسخانی کەرکوک لەوەر بارودۆخ تەندروسی ناجیگیر، تیمەیل پزیشکی دەسکردنەس وەتەقەلای خەسیگ ئەرا قورتارکردنی، باوجی وە مدوو تویشهاتن وە نۆرەی دڵ گیان لەدەسدا.
وتیش، "کاسوکار خوەنەوارەگە دووپاتکردنە، کە هویچ بیماریگ درویژخانە جویر شەکرو پەستان خوین نەیشتیە، وەرجە تێکچگنی بارودۆخی سروشتی بویە، تەنیا لە سەرەتا تویش پەتای سوکیگ بویە".
دیاریکرد "خەوەنەوارەگە خوەی ئەرا تاقیکردنەوەی کۆتایی ساڵ ویزاری ئامادەکردبوی لە یەکیگ لە مەکتەوەیل ئەهلی سەر وە کەرکوک، وەرجە ئەوەگ لەناوکاو تەندروسی تێکبچێد".