شەفەق نيوز/ سەرچەوەیگ ئەمنی، ئمڕوو سێشەممە، خەوەردا لە دەسگیرکردن توومەتبارەیلیگ رخدار لەبان تاوانەیل کوشتن و رفانن لە بەغدای پایتەخت و پارێزگای بەسرە.
سەرچەوەگە ئەرا ئاژانس شەفەق نیوز وت: هیزیگ لە بەش پۆلیس زەورا و دەورەیەیل بنکەی پولیس زەورا، وە یاوەری هیزیگ هاوبەش لە فەوج سوات فەرماندەیی پولیس رەسافە و پولیس فیدڕاڵی، دەسکردنە ئەرک وەشکین و دەسگیرکردن داواکارییەیل لە ناوچەی (شاعورە ئوم جدر).
سەرچەوەگە دیاری کرد کە ئەرکەگە دویای رەسین زانیاری لەبان توومەتبارەیلیگ هات کە لەبان تاوانەیل کوشتن داوا کریانە، و دووپات لە دەسگیرکردن هەرلە توومەتبار (م.ع.ب) و(ف.عب.ع) کرد کە وەگورەی مادەی (1/406/أ) لە یاسای سزادان عراقی داوا کریانە.
وتیش: ئەو توومەتبارەیلە وەبان کوشتن و تاڵانکردن و ێفانن لە پارێزگای بەسرە داوا کریانە، هەمیش وەبان تاوانەیل کوشتن و ێفانن لە ناوچەی نەهرەوان لە بەغداد، و چەک ئاگرین وەپییان گریا، و دریانە دەس بنکەی پولیس (ئەکەد) ئەرا تەواوکردن ریکارەیل یاسایی.