شەفەق نیوز/ سەرچەوەیگ ئەمنی لە پۆلیس سەڵاحەدین، ئمڕوو دووشەممە، خەوەردا ئۆپراسیۆن ئەمنی فراوانیگ ئەنجام دریایە لە ئەنجام 51 توومەتبار وە دۆسیەی تیرۆر و تاوانەیل دەسگیرکریانە لە گشت پارێزگایەیل.
سەرچەوەگە وە ئاژانس شەفەق نیوز وت، هەڵمەتەگە دەسگیرکردن داواکریاگەیل بوی وە پشت بەسان وە فەرمان دادگا کە ئرایان دەرچگە، لە شوینەیل جیاواز و خاڵەیل وشکنین دەسگیرکریان و ئەرا بنکەیل زیندانی کلکریان تا لێکۆڵینەوە وەردیان بکرێد.
دەزگای دژە تیرۆریش ئۆپراسیۆنیگ جویری ئەنجامدا وە پشت بسانن وە زانیاریەیل هەواڵگێری هویردیگ لە ئەنجام تیرۆرستیگ لە پارێزگای نەینەوا دەسگیرکریا.
وتیش، تیرۆرستەگە پلەی سربازی داشتیە و بەشداری لە شمارەیگ کارەیل تیرۆرستی کردیە دژ وە هێزەیل ئەمنی.
وەپای بەیانەگەی دژ تیرۆر، هێزەلی توەنستیە بازرگانیگ مادەی هووشبەر لە پارێزگای زیقار دەسگیربکەێد.
لەو چوارچمگە دەزگای دژە تیرۆر ئۆپراسیۆنیگ داوەزیان ئاسمانی لە بیاوان ئەنبار باکوور روتبە ئەنجامدایە، دوو حەشارگە رمانیە کە مادەیل تەقەمەنی و قاویش تەقینەوە وەپی بوی، هەمیش بینای کویەنە و چووڵیگ لە هەمان ناوچە رماننە، وەپای بەیاننامەگە.