شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە زەخمداری ئەفسەریگ لە حەشد شەعبی لە ئەنجام دەسکاریکردن چەکەگەی خوەی لەناوڕاس بەغدای پایتەخت.
سەرچەوەگە ئەرا ئاژانس شەفەق نیوز وت: ئەفسەریگ لە حەشد شەعبی لەناو ماشینەگەی زەخمدار بوی، لە ئەنجام دەسکاریکردن چەکەگەی، نزیک چواڕییان هوتێل بابل لە ناوچەی جادریە ناوڕاس بەغداد.
سەرچەوەگە وتیش: ئەو ئەفسەر زەخمدارە ئەرا خەسەخانە بریا.