شەفەق نیوز/ سەرچەوەیگ لە فەرمانگەی هاتوچو کەرکوک، ئمڕوو سێشەممە، خەوەردا لە مردن مەنیگ و زەخمدار دوو کەس ترەک وە رویداو هاتوچو لەبان ری کەرکوک ـ هەولێر، و هێزەیل پۆلیس دویەتیگ بازرگان مادەی هووشبەر لە پارێزگاگە دەسگیرکردن.
سەرچەوەگە وە ئاژانس شەفەق نیوز وت، "رویداویگ هاتوچوی لەناوەین دوو ماشین رویدا لەبان ری کەرکوک ـ هەولێر سەر وە ناحیەی ئاڵتوون کۆپری، لەناوەین ماشینیگ نیسان و دویەم لە جویر تویۆتا، لە ئەنجام مەدەنیگ گیان لەدەسدا و دوو کەس لە سەرنشینەیل زەخمداربوین".
سەرچەوەگە وتیش "پۆلیس رەسیە و تەرمەگە لەری ماشین فریاکەفتن ئەرا پزیشک دادوەری کلکردیە و زەخمدارەیلەیش ئەرا چارەسەرکردن کلکریانە خەستەخانە".
لەهەمان وەخت پۆلیس پارێزگای کەرکوک لە بەیاناامەیگ رەسیە ئاژانس شەفەق نیوز راگەیان، "زانیاری ئەمنی هویردیگ رەسیە کە دویەتیگ مادەی هووشبەر لەناوەین بکەیشەیل ژن و پیای بڵاوکەێد وە مەبەست لاوردن گومان و هەڵخەلەتانا هێزە ئەمنیەیل".
وتیش "مەفرەزەیل دژە تاوانەیل ئازادی وە کوڵەی تونیگ لە دویای ئاخڵەداین و چەودیری گومانلێکریاگ توەنستن لەناوڕاس شارەگە دەسگیری بکەن" وتیش "دەسگیرکردن توومەتبارەگە گورزیگ دا لە بازرگانەیل هووشبەر توانای هێزە ئەمنیەیل دەرخست کە وەردەوامن لە بەرەنگاربوین بازرگانی و کیشانن مادەی هووشبەر".