شەفەق نیوز/ سەرچەوەیگ ئەمنی، ئیوارەی ئمڕوو دووشەممە، خەوەردا لە دەسگیرکردن ناخاڵیگ کە دروشمەیل داعش وەبان دیوار مەکتەویگ نویسانیە لە بەغداد.
سەرچەوەگە وە ئاژانس شەفەق نیوز وت، "هێزەیل ئەمنی کەسیگ وەناو (ٲ) لەداڵگبوی 2008 دەسگیرکردیە کە دروشمەیل رێکخریاگ تیرۆرستی داعش لەبان دیوار مەکتەوەیگ لە ناوچەی پێیەڵ دیالە لە بەغداد کیشایە".
سەرچەوەیگ ئەمنی وەرجەیە ئمڕوو، خەوەردا لە پەیاکردن وینەکیشان ریخریاگ داعش تیرۆرست لە قەی دیوارەیل مەکتەویگ لە باشوور خوەرهەڵات بەغداد پایتەخت.
سەرچەوەگە دیاری کرد کە لە لێکۆڵینەوە دەرکەفت کە ئەو کەسەگ ئی کارە کردیە کوڕیگ بویە لەداڵگبوی ساڵ 2008، وتیش؛ دەزگایەیل ئەمنی دەسکردنە وەشکین و مینەکردنی، دویای سڕین وینەیل لەو شوینە.
وەرجەیەر لە کانوون یەکەم گوزەشتە، هیزەیل ئەمنی لە ناوچەی زاعفەرانیە لە باشوور خوەرهەڵات، دروشمەیل داعش لەقەی دیوارەیل مەکتەویگ پەیا کردن، و وەکوتپڕ سڕینەوەی و دەسکردنە لێکۆڵینەوە.
هەر لەو مانگە، پەرچەم داعش لەقەی دەروازەی مەکتەویگ بەرزەو کریاوێدر لە ئاوای خالد لە داقوق باشوور کەرکوک، و دەسکریا مینەکردن و وەشکین، بیجگە کاریگ وەیجویرە لە قەزای حەزی کە حەشد شەعبی خاوەن کردەوەگە گرد.