شەفەق نیوز/ محمد حەسەنی پسپۆڕ ئابووری، ئمڕوو دووشەممە، داوەزیان نرخ دۆلار وەرانەور دینار عراقی لەی رووژیل دویاییە وەشیوەی وەختانە زانست، دووپات کرد کە هیمان ناوەینیان فرەس.
حەسەنی ئەرا ئاژانس شەفەق نیوز وت: ئەو داوەزیان کەمکەمە لە نرخ دۆلار وەرانەور دینار، چشتیگ وەختانەس، ئەوەسا دووارە چوودەو ئەرا جارانی خوەی، و داوەزیانیگ گەورە نییە.
وتیش: ئەو بازرگانەیلە کە لە دۆلار کار کەن خوازن بەدوەکاری بارن و قانجازیگ بکەن لە خەوەرەیل درووکانی بی بنەما لە بڵاوکردن خەوەرەیل درووکانی.
حەسەنی وتیش: جیاوازی ناوەین نرخ بانک ناوەندی و نرخ دۆلار لە بازار هیمان فرەس و زیاترە لە 17 تا 18 هەزار دينار.
لە ماوەی هەفتەی گوزەشتە، نرخ دۆلار لە بازاڕەیل ناوخوەیی عراق لە 150700 دينار ئەرا 149300 دينار داوەزیا.