شەفەق نیوز/ پارێزگار نەینەوا عەبدولقادر دەخیل، ئمڕوو یەکشەممە، بڕیار پەکخسن دەوام مەکتەوەیل دا ئەرا سوو دووشەممە، وە مدوو داوەزیان پلەی گەرمی و کاریگەریەگەی وەبان خوەنەوارەیل.
دەخیل لە بەیاننامەیگ رەسیە ئاژانس شەفەق نیوز وت "دەوام فەرمانبەرەیل فەرمانگە حکومیەیل لە ساعەت نۆ شەوەکی دەسوەپی کەێد لەجیاتی ساعەت هەشت، یەیش ئەرا کەمەوکردن کاریگەری زوقوم سەختەگە وەبان کارمەندەیل ئیداری و فەرمانبەرەیل".
وتیش"ئێ بڕیارە ئەرا سەلامەتی خوەنەوار و فەرمانبەرەیل دریایە، وەگەرد وەردەوامی کارکردن لە فەرمانگەیل حکومی ئەرا پیشکەشکردن خزمەتگوزاری بنەرەتیەیل وە هاوڵاتیەیل".