شەفەق نیوز/ تیمبک پزشکی لە خەسەخانەی گشتی مەدینە باکوور بەسرە، ئمڕوو یەکشەممە، توەنست گیان کراکاریگ لە کەرت کارەبا رزگار بکەێد، دویای تویشهاتن تەزیان کارەبا و وەسیان دڵی.
راگەیانن خەسەخانەگە ئەرا ئاژانس شەفەق نیوز وت: ئەو کراکارە لە تەمەن 36 ساڵان، دەی وساوێد هەناێ رەسیە خەسەخانە دویای تەزیانی وە کارەبا نەوسەب کارکردنی.
وتیش: لە ئەنجام رەنج و تەقەلایل زویوەزوی پزشکی و سەرپەرشتیکردن پزشکەیل و کادرەیل تەندروسی، توەنستنە سینە و دڵی گلەو بیەن و بیمارەگە رزگار بکەن.
هەمیش لە بەسرە، سەرچەوەیگ ئەمنی خەوەردا کە تیم مەلەوانی توەنستن تەرم گەنجیگ لەناو ئاو چەم عەرەب لە قەزای ئەبی خەسیب درارن.
سەرچەوەگە ئەرا ئاژانس شەفەق نیوز وت: ئەو گەنجە وەشیوەی نادیاریگ خنکیاس، کە تیمەیل دەسکردنە مینەکردن تا تەرمەگەی پەیا کردن، و لەناو ئاوەگە دراوردنەی.
وتیش: لایەنەیل پەیوەندیدار لێکۆڵینەوە لە رویداوەگە واز کردن، و تەرمەگە ئەرا پزشک دادوەری بریا.