شەفەق نیوز/ وەزارەت پلاندانان عراق، ئمڕوو یەکشەممە، دووپاتکرد سوو دووشەممە وە شیوەی فەرمی ئەنجام کۆتایی سەرشماری گشتی دانشتگەیل راگەینێد.
سەرچەوەیگ وەرپرس لە وەزارەتەگە وە ئاژانس شەفەق نیوز وت "وەزارەت پلاندانان عراق سوو دووشەممە وەشیوەی فەرمی ئەنجام کۆتایی سەرشماری گشتی راگەینێد لەری کۆنگرەیگ رووژنامەوانی کە شمارەیگ وەزیر و وەرپرس ئامادە بوود، وەگەرد نوێنەر ئەمیندار گشتی وڵاتەیەکگرتگەیل و بایلۆز و کەسەیل ترەک".
لە مانگ تەشرین دویەم 2024 لە عراق سەرشماری گشتی جیوەجیکریا، وەشیوەی سەرەتای رێژەی دانشتگەیل عراق رەسیە 45.4 ملیۆن کەس، وەگەرد بەشەوبووین تارادەیگ یەکسانیگ کوڕ و دویەت.