شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە دەسگیرکردن ئەندامەیل ریخریاگ داعش و ویرانکردن میوانخانەیلیان لە دوو ئۆپراسیۆن جیاجیا لە کەرکوک و دیالە.
سەرچەوەگە ئەرا ئاژانس شەفەق نیوز وت: ئۆپراسیۆنیگ سەربازی وەلایەن دەزگای دژە تیرۆر لە کویەیل حەمرین نزیک کێڵگەیل عەجیل و عەلاس جیوەجی کریا، و میوانخانەیل داعش ویران کریان.
وتیش: ئۆپراسیۆنەگە لە دویای زانیاریەیل هەواڵگری هات لەبان شوینەیلیگ ئەرا ئەو ریخریاگ تیرۆریستە، لە دەورگرد کێڵگەیل نەفت لە سەڵاحەدین.
لە دیالە، فەرماندەیی پولیس پارێزگاگە لە بەیاننامەیگ وت: مەفرەزەیل یەکەی تەکنیکی، و بەشداریکردن شانەی هەڵۆی هەواڵگری، توەنست شمارەیگ لە ئەندامەیل داعش دەسگیر بکەن، و میوانخانەیلیان ویران بکەن.
وتیش: ئۆپراسیۆنەگە لەناو یەکیگ لە زەویلەیل کشتوکاڵی لە کەرت ناوچەی حدێد لە پارێزگای دیالە جیوەجی کریا.