شەفەق نیوز/ وەڕیەوبەرایەتی وەرگری شارستانی، ئمڕوو سێشەممە، کپەوکردن ئاگر گەورەیگ لە ناوەند شار کوینەی کەربەلا راگەیان، و رزگارک دەیان دوکان و هوتێل وەبی بڵاوبوین ئاگرەگە، وە وەختیگ پەیمانەیی.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: تیمەیل وەرگری شارستانی لە کەربەلا، توەنستن لە یەکەمین خولەکەیل ئاگریگ کپەو بکەن کە لەناو دوکانەیل فرووشتن پڕتاڵ و ئیکسیسوار و دەسفرووشی لە کاکەی ساحیب زەمان ناوڕاس شار کوینەی کپەو بکەن.
وتیش: لەوەر تەنگی جادەی شوین رویداوەگە، ماشین دەسوەردان زویوەزوی مارکەی شیڤرۆڵێت وەکار هاوریا ئەرا رەسین وە سەرچەوەی ئاگرەگە وە شیوەیگ کوتپڕ و پیشەیی، دیاری کرد کە تیمەیل ئاگرکپەوکردن توەنست سێ هوتێل و حوسەینیەیگ و 30 دوکان لەشان ئاگرەگە کپەو بکەن و نەهیشتن بڵاوبوینی وەرەو شوینەیلیگ ترەک.
وتیش: رویداوەگە وەبان پلانیگ دانریاگ کۆنتڕۆڵ کریا، وە وەکارهاوردن کەرەستەی نوو ئەرا کپەوکردن ئاگر، وەگەرد توومارنەکردن زەرەد گیانی.