شەفەق نیوز/ سەرچەوەیگ ئەمنی، ئمڕوو دووشەممە، خەوەردا گەنجیگ بیس ساڵان باوان خوەی کوشێد لەناو ماڵ خوەیان لەناوچەی حەیانیە لەناوڕاس شار بەسڕە باشوور عراق.
سەرچەوەگە وە ئاژانس شەفەق نیوز وت: گەنجیگ، شەوەکی ئمڕوو، تەقە لە باوگی ( لەداڵگبوی ساڵ هەفتاگانە) و داڵگی ( لەداڵگبوی هەشتاگانە) کردیە، هەنای لەناو خەو بوینە.
وتیش: تاوانبار لەدویای ئەنجامدان تاوانەگەی ئەرا شوین نادیاریگ وایە.
دیاریکرد، هێزە ئەمنیەیل ئاخڵەی شوین رویداوەگە دان و تەرمەیل ئەرا پزیشک دادوەری کلکردن تا رێکارەیل یاسایی پێویست تەواوبکرێد.