شەفەق نیوز/ سەرچەوەیگ ناوخوەیی لە پارێزگای دیالە، ئمڕوو یەکشەممە، خەوەردا لە کوشیان پیاییگ لەناو رویداویگ هاتوچو، مەوقەیگ چگە تا لە ئاهەنگ دەرچگن کوڕەی لە زانکۆ ئامادە بوود.
سەرچەوەگە ئەرا ئاژانس شەفەق نیوز وت: پیاییگ خەڵک ناحیەی هبهب، لەڕیەو بوی وەرۆ خیزانەگەی ئەرا ئامادەبوین لە ئاهەنگ دەرچگن کوڕەی لە زانکۆی دیالە، وەلێ ماشینەگەی نزیک ناوچەی حدێد لە دەورگرد شار بەعقووبە پەکی کەفتگە.
وتیش: پیاوەگە خیزانەگەی لەناو ماشینەگە دەرکرد و وەماشسنیگ ترەک ئەرا ئاهەنگ کوڕەیان کلیان کرد، خوەییش مەنیە تا ماشینەگە خاسەو بکەێد، و ماشینیگ بارهەڵگر وەتونی هاتگە داگە لە ماشینەگەی و خوەییش لەشانی بویە، کە وەکوتپڕ گیانی لەدەسدا.
سەرچەوەگە وتیش: تەرم پیاوەگە ئەرا پزشک دادوەری بریا، و لێکۆڵینەوە لە رویداوەگە واز کریا.