بەغداد - INA
بەڕێوەبەرایەتی کاروباری ماددە هۆشبەرەکان و کارتێکەرە عەقڵییەکان لە پارێزگای دیوانییە، ئەمڕۆ پێنجشەممە ڕایگەیاند: لە دیوانییە دەست بەسەر ٢ کیلۆگرام ماددەی کریستاڵدا گیراوە و دوو تۆمەتبار دەستگیرکراون کە یەکێکیان ڕەگەزنامەی بیانییە.
بەڕێوەبەرایەتییەکە لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "پشتبەستن بە زانیاریی هەواڵگری ورد، بەڕێوەبەرایەتی کاروباری ماددە هۆشبەرەکان و کارتێکەرە عەقڵییەکان لە پارێزگای دیوانییە توانی ئۆپەراسیۆنێکی جۆری ئەنجام بدات و دوو تۆمەتباری بازرگانیکردن بە ماددەی هۆشبەر لە کاتی ئەنجامدانی تاوانەکەدا دەستگیربكات، کە یەکێکیان ڕەگەزنامەی بیانییە".
راشیگەیاند: "ئۆپەراسیۆنەکە بووە هۆی دەستبەسەرداگرتنی (٢) کیلۆگرام لە ماددەی هۆشبەری کریستاڵ لە لای تۆمەتبارەکان، کە تێیدا ڕێکارە یاساییە پێویستەکان لە دژیان گیرایەبەر و ڕەوانەی لایەنە دادوەرییە تایبەتمەندەکان کران".
بەڕێوەبەرایەتییەکە جەختی لەسەر "بەردەوامبوونی ئۆپەراسیۆنە ئەمنی و هەواڵگرییەکانی کردەوە کە ئامانجیان ڕاوەدوونانی تۆڕەکانی بازرگانیکردن بە ماددە هۆشبەرەکان و وشککردنی سەرچاوەکانیانە، بە پاڵپشتی دادوەری دادپەروەری عێراق و بڕیارە توندەکانی، لە پێناو پاراستنی ئاسایشی کۆمەڵگە و سەلامەتی ڕۆڵەکانی".