نەجەفی ئەشرەف – INA – حەیدەر فەرمان
بەڕێوەبەرایەتیی ژینگەی نەجەفی ئەشرەف، ئەمڕۆ سێشەممە، هەڵمەتێکی هۆشیارکردنەوەی ژینگەیی و تەندروستیی بۆ زیارەتکاران و خاوەن مەوکبەکان دەستپێکرد، بە مەبەستی کەمکردنەوەی ڕەفتارە زیانبەخشەکان بەرامبەر بە ژینگە و بەهێزکردنی خۆپارێزی لە نەخۆشییەکان.
جەمال عەبد زەید شلاگه، بەڕێوەبەری ژینگەی نەجەفی ئەشرەف، بە ئاژانسی دەنگوباسی عێراقی (INA)ی ڕاگەیاند: "بەڕێوەبەرایەتییەکە زنجیرەیەک هەڵمەتی ژینگەیی و تەندروستیی دەستپێکردووە هاوشانی سەردانی چلهی ئیمام حوسێن (سڵاوی خوای لێبێت)، بە ئامانجی دەستپێوەگرتنی ئاو، و کەمکردنەوەی بەکارهێنانی داروشخار بۆ لێنانی خۆراک لە ناو مەوکبە حوسێنییەکاندا بۆ پاراستنی ڕووبەرە سەوزاییەکان، هەروەها هاندانی بەکارهێنانی سووتەمەنیی گازی سروشتی وەک بەدیلێک."
ئەوەشی وت كه: "تیمە خۆبەخشەکانی بەڕێوەبەرایەتییەکە لە ناوچە جیاجیاکانی پارێزگای نەجەفی ئەشرەف بڵاوبوونەتەوە، کە زیارەتکارانی بەرەو مەزارگە پیرۆزەکان لە نەجەفی ئەشرەف و کەربەلای پیرۆز و هەروەها خاوەن مەوکبە حوسێنییەکانیان کردووەتە ئامانج، لە ڕێگەی دابەشکردن و هەڵواسینی بڵاوکراوەی ڕێنمایی، جگه لە پەخشکردنی پەیامی ژینگەیی و تەندروستی لە ڕێگەی بڵندگۆکانەوە، بە شێوازێک کە بەشدار بێت لە بەهێزکردنی ڕۆشنبیریی ژینگەیی دروست و کەمکردنەوەی ئەو ڕەفتارانەی کە دەکرێت کاریگەریی نەرێنییان لەسەر ژینگە و تەندروستیی گشتی لە سەردانی ملیۆنیدا هەبێت."
ههروهها ئهوهیش وت كه: "ڕۆژی یەکەمی هەڵمەتەکە ڕووماڵکردنی تەوەرەی ناوەڕاستی شارۆچکەی نەجەفی ئەشرەف بەرەو شاری کووفەی بەخۆیەوە بینی، کە قەرەباڵغییەکی زۆری جووڵەی زیارەتکارانی تێدایە، بۆ جێبەجێکردنی بەرنامەی هۆشیارکردنەوە کە تیشکی دەخستە سەر دەستپێوەگرتنی ئاو، و پاراستنی پاکوخاوێنیی گشتی، و نەڕشتنی پاشماوەی خۆراک و بووتڵی ئاو لە شەقامەکاندا، سەرباری هۆشیارکردنەوە لە نە بڕینەوەی درەختەکان و بەکارهێنانی سووتەمەنیی گاز لە بری داروشخار لە لێنانی خۆراکدا، بۆ پاراستنی ڕووبەرە سەوزاییەکان."
ئاماژەی بەوەش دا: "تیمە هۆشیارکەرەوەکان جەختیان لەسەر خاوەن مەوکبە حوسێنییەکان کردەوە لەسەر پێویستیی پاراستنی پاکوخاوێنیی ئاوی خوارنەوە بۆ خۆپارێزی لە نەخۆشییە گوازراوەکان، بە تایبەتی کۆلێرا، لەگەڵ دابەشکردن و هەڵواسینی پۆستەری هۆشیارکردنەوە کە مەترسییەکانی نەخۆشییەکە، و ڕێگاکانی گواستنەوەی، و هۆکارەکانی خۆپارێزی لێی ڕوون دەکاتەوە."
ڕوونیشی کردەوە: "ئەم هەڵمەتانە بە سەرپەرشتیی وەزارەتی ژینگەی عێراق و دیوانی پارێزگای نەجەفی ئەشرەف جێبەجێ دەکرێن، لە ژێر دروشمی: چلهی ئیمام حوسێن (سڵاوی خوای لێبێت).. ڕۆژی عێراقی بۆ کاری خۆبەخشانە... نەجەف خزمەتی چلهی ئیمام حوسێن دەکات'."
