وەرزش – INA
دیدێ دیشامپ، ڕاهێنەری هەڵبژاردەی فەڕەنسا، دووپاتی کردەوە کە یارییەکەیان بەرامبەر عێراق ئاسان نابێت، هاوکات ئاماژەی بەوەش دا کە پێکهاتەی هەڵبژاردەی فەڕەنسا لە ڕووبەڕووبوونەوەکەی سبەینێدا شایەتی چەند گۆڕانکارییەک دەبێت.
دیشامپ لە کاتی کۆنگرە ڕۆژنامەوانیی تایبەت بە یارییەکەدا کە ئاژانسی هەواڵی عێراقی (INA) بەدواداچوونی بۆ کردووە، ڕایگەیاند: "ئامانجی سەرەکی و لەپێشینەی هەرە گرنگمان بەدیهێنانی سەرکەوتن و ڕفاندنی بلیتی سەرکەوتنە لەبەردەم هەڵبژاردەی عێراقدا."
وتیشی: "پێکهاتەی هەڵبژاردەی فەڕەنسا لە ڕووبەڕووبوونەوەکەی سبەینێدا هەندێک گۆڕانکاری بەخۆوە دەبینێت،" ڕوونیشیکردەوە کە هەوڵدان بۆ بەدیهێنانی سەرکەوتن لە یاری دووەمدا، ڕێگر نابێت لەوەی کە دەستکاری لە ناوی یاریزانە بەشداربووەکاندا بکات.
دیشامپ ئاماژەی بەوەش کرد کە ستافی تەکنیکی کار لەسەر هەڵبژاردنی گونجاوترین پێکهاتە دەکات بۆ بەدیهێنانی ئەنجامی داواکراو و گەرەنتییکردنی بەردەوامبوون لە ڕێڕەوی پاڵەوانێتییەکەدا.
