بەغدا – INA – حەسەن فەواز
ئەمڕۆ دووشەممە، وەزارەتی ژینگە، گرتنەبەری چوار ڕێکاری بۆ کەمکردنەوەی پیسبوون ڕاگەیاند، هاوکات سەرپێچیکارانی لە گرتنەبەری ڕێکاری دادوەری ئاگادار کردەوە.
بریکاری وەزارەت، جاسم فەلاحی، بە ئاژانسی هەواڵی عێراقی (INA)ی ڕاگەیاند: "وەزارەتی ژینگە وەزارەتێکی چاودێرییە و بەپێی یاسای پاراستن و باشترکردنی ژینگە ژمارە 27ی ساڵی 2009 کار دەکات، بەو پێیەی پیسبوونێکی بێپێشینە لە زۆرێک لە سەرچاوە سروشتییەکانماندا هەیە، بەتایبەتی سەرچاوە ئاوییەکان".
ئاماژەی بەوەشکرد کە "وەزارەت لەلایەن سەرۆک وەزیران، محەمەد شیاع سودانی، و سەرۆکی ئەنجومەنی باڵای دادوەری، دادوەر فایەق زێدان، جگە لە پاڵپشتی سەرۆکی دەستەی دەسپاکی، محەمەد عەلی لامی، و دیوانی چاودێری دارایی فیدراڵی، پاڵپشتی و سەرپەرشتی دەکرێت".
جەختیشی کردەوە کە "وەزارەتی ژینگە چەندین هەنگاوی گرنگی هەیە بۆ کەمکردنەوەی قەبارەی پیسکەرە ژینگەییەکان، بەو پێیەی دەستی کردووە بە جێبەجێکردنی ڕێکارەکانی سەپاندنی ئاگادارکردنەوە (ئینزار) و سزای دارایی، و ڕەوانەکردنی سەرپێچیکاران بۆ دادگا، و پەیوەندیکردن بە داواکاری گشتی و دادوەرانی دەسپاکی بۆ گرتنەبەری ڕێکاری پێویست بۆ پاراستنی ژیان و تەندروستی هاووڵاتییان".
