دیجیتاڵ میدیای سپێده
سەندیکای پزیشکانی سوودان ئاشکرای کرد کە لە پێکدادانەکانی سووداندا تا ئێستا ٤١١ هاووڵاتیی مەدەنی کوژراون.
وێڕای راگەیاندنی ئاگربەست لە نێوان سوپای سوودان و هێزەکانی پشتیوانی خێرا، لە ناوچە جیاجیاکانی ئەو وڵاتە پێکدادان بەردەوامە و بەوهۆیەوە تا ئێستا ٤١١ هاووڵاتیی مەدەنی کوژراون و دوو هەزار و ٢٣ مەدەنی دیکەش بریندار بوون.
پێکدادانەکانی سوودان چووە رۆژی ١٥مینەوە.
لە خەرتوومی پایتەخت پێکدادانی توند لە دەوروبەری کۆشکی کۆماری و فەرماندەیی گشتی سوپا هەیە و لە گەڕەکە جیاوازەکانی باشووری پایتەختیش ئاگربەست پێشێل دەکرێت.
ئەمە لە کاتێکدایە کە ئەمریکا لە ٢٨ی نیساندا رایگەیاندبوو لایەنەکانی سوودان بۆ ماوەی ٧٢ کاتژمێر ئاگربەستی نێوانیان درێژ دەکەنەوە.