بەدواداچوون – INA
ئەنجومەنی هاریکاریی وڵاتانی کەنداو، ئەمڕۆ پێنجشەممە، داوای لە ئەنجومەنی ئاسایشی نێودەوڵەتی کرد هەڵوێستێکی توند و یەکلاکەرەوە وەربگرێت بۆ مسۆگەرکردنی ئازادیی کەشتیوانی لە گەرووی هورمزدا.
لە ڕاگەیەندراوێکی ئەنجومەنەکەدا، کە ئاژانسی هەواڵی عێراقی (INA) بەدواداچوونی بۆ کردووە، هاتووە: "داوا لە ئەنجومەنی ئاسایش دەکەین هەڵوێستێکی توند بنوێنێت بۆ گەرەنتیکردنی ئازادیی هاتوچۆی کەشتییەکان لە گەرووی هورمزدا."
ڕاگەیەندراوەکە ئاماژەی بەوەش کردووە کە "هێرشەکانی ئێران بۆ سەر جووڵەی کەشتیوانی لە گەرووی هورمز، هەڕەشە لە ئاسایشی وزە و بازرگانیی جیهانی دەکەن."
لە کۆتایی ڕاگەیەندراوەکەدا، ئەنجومەنی هاریکاریی کەنداو ئێرانی بە بەرپرسیاری تەواوی پەرەسەندنەکان دانا و داوای لێکرد کە "دەستبەجێ و بەبێ هیچ مەرجێک، کۆتایی بە هەموو کارە دوژمنکارییەکانی بهێنێت.