مانچستەر یونایتد گرنگیپێدانی خۆی بە گواستنەوەی ئیڤان تۆنی نوێ دەکاتەوە

وەرزش – INA

هێرشبەری ئینگلیزی ئیڤان تۆنی، یاریزانی یانەی ئەهلی سعوودی، لە ماوەی گواستنەوەکانی هاوینەدا گەڕایەوە ناو بازنەی گرنگیپێدانی مانچستەر یونایتد، ئەمەش لە چوارچێوەی هەوڵەکانی یانە ئینگلیزییەکە بۆ بەهێزکردنی هێڵی هێرشبەری بەمەبەستی ئامادەکاری بۆ وەرزی نوێ.

تۆڕەکانی ڕاگەیاندن ئاماژەیان بەوە دا کە "تۆنی جێگەی سەرسامی ئیدارەی مانچستەر یونایتدە، بەڵام مووچە بەرزەکەی لەگەڵ ئەهلی و ئارەزووی یاریزانەکە بۆ بەردەوامبوون لە خولی سعوودی، دیارترین کۆسپن لەبەردەم جێبەجێکردنی گرێبەستەکەدا."

ئەوەشیان رایگه‌یاند "یانەی ئەهلی هێشتا بڕیاری کۆتایی لەسەر فرۆشتنی هێرشبەرەکەی نەداوە، کە گرێبەستەکەی بۆ ماوەی دوو ساڵی تر درێژدەبێتەوە، ئەمەش لە ژێر سێبەری دەستگرتنی یانەکە بە یەکێک لە دیارترین توخمەکانی دوای درەوشانەوەی لە وەرزی ڕابردوودا."

شایەنی باسە تۆنی لە وەرزی ڕابردوودا ٣٢ گۆڵی لە ٣٢ یاری لە خولی ڕۆشندا تۆمارکردووە، لەو کاتەوەی لە هاوینی ٢٠٢٤دا لە یانەی برێنتفۆردی ئینگلیزییەوە ڕووی لە یانەی ئەهلی سعوودی کردووە.