نێودەوڵەتی – INA
تەلەفزیۆنی فەرمی ئێران، ئەمڕۆ یەکشەممە، ڕایگەیاند کە دەنگی چەند تەقینەوەیەک لە شاری سیریک لە باشووری وڵات بیستراوە.
تەلەفزیۆنی ئێران لە سەرچاوەیەکی سەربازییەوە گواستییەوە: "دەنگی چەند تەقینەوەیەک لە شاری سیریک لە باشووری وڵات بیستراوە."
تەلەفزیۆنەکە تیشکی خستە سەر ئەوەش کە "چەند موشەک یان کەرەستەیەکی تەقەمەنی بەر تاوەرێکی پەیوەندییەکان کەوتوون لە گوندی تاهیرۆیی سەر بە شاری سیریک لە باشووری وڵات."
لەلایەکی دیکەوە، سوپای ئەمریکا ڕایگەیاند کە هێرشی کردووەتە سەر چەند ئامانجێکی ئێرانی، وەک وەڵامدانەوەیەک بۆ هێرشەکەی دوێنێ شەممەی ئێران کە کەشتییەکی بازرگانی کردبووە ئامانج.