نێودەوڵەتی – INA
فەرماندەیی ناوەندیی ئەمریکا (سێنتکۆم)، ئەمڕۆ یەکشەممە، ئەنجامدانی چەند هێرشێکی زیاتری بۆ سەر ئێران ڕاگەیاند، ئەمەش لە دوای نوێترین هێرش کە کرایە سەر کەشتییەکی بازرگانی.
فەرماندەیی ناوەندیی ئەمریکا لە بەیاننامەیەکدا ئاماژەی بەوە کردووە، کە هێرشی نوێ کراوەتە سەر چەند پێگەیەکی سەربازیی ئێران، وەک وەڵامدانەوەیەک بۆ هێرشێکی فڕۆکەی بێفڕۆکەوان (درۆن) کە پێشتر هێزەکانی ئێران گرتبوویانە بەرامبەر بە کەشتییەکی نەوتهەڵگر لە نزیک گەرووی هورمز.
هەروەها جەختی کردەوە کە هێرشەکان سیستەمەکانی چاودێری، پەیوەندییەکان، بەرگرییە ئاسمانییەکان و کۆگاکانی فڕۆکەی بێفڕۆکەوانیان گرتووەتەوە، و ئاماژەی بەوەش کرد کە جووڵەی دەریاوانی بازرگانی لە گەرووەکەدا بەردەوامە و هێزەکانی ئەمریکاش لە دۆخی ئامادەباشیدا دەمێننەوە.