وەرزش – INA
ژمارەی ئەو هەڵبژاردانەی بە فەرمی سەرکەوتوون بۆ قۆناغی ٣٢ی مۆندیالی ٢٠٢٦ بۆ ٢٨ هەڵبژاردە بەرزبووەوە، ئەمەش دوای کۆتایی هاتنی یارییەکانی کۆمەڵەکان، لە کاتێکدا تەنها ٤ بلیتی تر ماوە بۆ یەکلاکردنەوەی سەرجەم سەرکەوتووەکان بۆ قۆناغەکانی تاقیکردنەوە (قۆناغی دەرکردنی یەکلاکەرەوە).
گەڕی کۆتایی سەرکوتنی بەلجیکا، میسر و کەیپ ڤێردی بەخۆوە بینی، بۆ ئەوەی بچنە پاڵ لیستی ئەو هەڵبژاردانەی کە سەرکەوتنیان مسۆگەر کردووە، ئەوانیش:
ئەرجەنتین، ئوسترالیا، بەلجیکا، بۆسنە و هەرزەگۆڤین، بەڕازیل، کەنەدا، کەیپ ڤێردی ، کۆڵۆمبیا، کۆتدیڤوار، ئێکوادۆر، میسر، فەرەنسا، ئەڵمانیا، ژاپۆن، مەکسیک، مەغریب، هۆڵەندا، نەرویج، پورتوگال، ئەفریقای باشوور، ئیسپانیا، سوید، سویسرا، ویلایەتە یەکگرتووەکانی ئەمریکا، گانا، نەمسا، ئۆزبەکستان، کرواتیا.
لەلایەکی دیکەوە، ٩ ڕووبەڕووبوونەوە لە کۆی ١٦ یاری قۆناغی ٣٢ ڕوون بوونەتەوە، کە بەم شێوەیەی خوارەوەن:
ئەفریقای باشوور × کەنەدا
ئەڵمانیا × باراگوای
بەڕازیل × ژاپۆن
هۆڵەندا × مەغریب
فەرەنسا × سوید
کۆتدیڤوار × نەرویج
ویلایەتە یەکگرتووەکانی ئەمریکا × بۆسنە و هەرزەگۆڤین
ئەرجەنتین × کەیپ ڤێردی
میسر × ئوسترالیا
تەنها ٦ ڕووبەڕووبوونەوەی تر هەڵپەسێردراو ماونەتەوە و چاوەڕێی کۆتایی هاتنی یارییەکانی کۆمەڵەکانی تریش دەکەن، کە ناسنامەی چوار دواین هەڵبژاردەی سەرکەوتوو دیاری دەکەن، لەگەڵ ڕیزبەندی باشترین ئەو هەڵبژاردانەی پلەی سێیەمیان بەدەستهێناوە، پێش دەستپێکردنی قۆناغی دەرکردنی یەکلاکەرەوە.
یارییەکانی کۆتایی گەڕی سێیەمی قۆناغی کۆمەڵەکان لە مۆندیالی ٢٠٢٦:
پەنەما × ئینگلتەرا
کرواتیا × گانا
کۆڵۆمبیا × پورتوگال
کۆماری دیموکراتی کۆنگۆ × ئۆزبەکستان
ئوردن × ئەرجەنتین
جەزائیر × نەمسا
پاڵەوانێتی جامی جیهانی ٢٠٢٦ لە ویلایەتە یەکگرتووەکانی ئەمریکا، کەنەدا و مەکسیک بەڕێوەدەچێت، ئەمەش یەکەم وەشانە کە بەشداریکردنی ٤٨ هەڵبژاردە بەخۆوە دەبینێت، کە تێیدا خاوەن پلەکانی یەکەم و دووەمی هەر کۆمەڵەیەک سەردەکەون، لەگەڵ باشترین ٨ هەڵبژاردە کە پلەی سێیەمی کۆمەڵەکانیان گرتووە، بڕیاریشە مۆندیال لە ١٩ی تەممووزدا کۆتایی پێبێت.
سەرچاوە: ئاژانسەکان