بەغداد - INA
دەستەی ڕاگەیاندن و گەیاندن، ئەمڕۆ شەممە، تۆمارکردنی زیاتر لە (٧٧) ملیۆن پەیوەندی تەلەفۆنی و (٨.٥) ملیۆن نامەی دەقی (SMS) لە کەربەلای پیرۆز لە ماوەی ڕۆژانی عاشورادا ڕاگەیاند.
دەستەکەدا لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "مۆدێل و پێوەرە جێگیرەکانی خزمەتگوزارییەکانی تەلەفۆنی مۆبایل لە پارێزگای کەربەلای پیرۆز لە ماوەی دە ڕۆژی یەکەمی مانگی موحەڕەمی حەرامدا، لە ڕێگەی تۆڕەکانی تەلەفۆنی مۆبایلی کارا لە عێراق تۆمارکراون، ئەمەش ڕەنگدانەوەی ئامادەیی ژێرخان و جێگیریی ئەدای تۆڕەکانە لە کاتی لوتکەی سەردانەکەدا."
دەستەکە ڕوونی کردەوە کە "کۆی گشتی ژمارەی پەیوەندییە تەلەفۆنییەکان گەیشتووەتە (٧٧،١٧٣،٣٨٤) پەیوەندی، کە (٧٦،٩٨٦،٠٨٦) پەیوەندی ناوخۆیی و (١٨٧،٢٩٨) پەیوەندی نێودەوڵەتی بوون، لە کاتێکدا کۆی گشتی ژمارەی نامە دەقییەکان (٨،٥٩١،٦٩٣) نامە بووە، لەنێویاندا (٧،٥٢٧،٦٢٠) نامەی ناوخۆیی و (١،٠٦٤,٠٧٣) نامەی نێودەوڵەتی بووە"، ئاماژەی بەوەشکردووە کە "ژمارەی بەشداربووانی ناوخۆیی گەیشتووەتە (١٨،٤٠٦،٤٩٤) بەشداربوو، لەگەڵ زیاتر لە (١٢٣،٩٨٠) بەشداربوو لە بەکارهێنەرانی خزمەتگوزاری گەڕۆکی نێودەوڵەتی (Roaming)، ئەمەش قەبارەی جووڵە و داواکاری لەسەر خزمەتگوزارییەکانی پەیوەندی لە ماوەی وەرزی سەردانەکەدا نیشان دەدات."
دەستەکە بەپێی ڕاگەیەندراوەکە جەختی کردەوە کە "ئەم ئەنجامانە دوای جێبەجێکردنی پلانێکی کارپێکردنی گشتگیر بۆ وەرزی عاشورا هاتوون، کە پێکهاتبوو لە بڵاوکردنەوەی (٦٣) تیمی تەکنیکی و مەیدانی، و ئەنجامدانی زیاتر لە (٥،٥٤٨) پشکنینی مەیدانی، لەگەڵ بەهێزکردنی ژێرخانی تۆڕەکانی تەلەفۆنی مۆبایل لە ڕێگەی بڵاوکردنەوەی (٨١) وێستگەی گەڕۆک، و زیادکردنی (٣٠٨) تاوەری جێگیر، و کارپێکردنی زیاتر لە (٧،٠٠٠) خانەی پەیوەندی، ئەمەش بەشداربوو لە پاراستنی جێگیری خزمەتگوزارییەکان سەرەڕای بەرزبوونەوەی زۆری ڕێژەی بەکارهێنان."