باکۆ – INA
ئەمڕۆ سێشەممە، کارەکانی خولی بیستەمی کۆنفرانسی یەکێتيی پەرلەمانەکانی وڵاتانی ئەندام لە ڕێکخراوی هاوکاریی ئیسلامی لە باکۆی پایتەخت دەستیپێکرد، ئەمەش بە بەشداریکردنی شاندێکی پەرلەمانی عێراق.
پەیامنێری ئاژانسی هەواڵی عێراقی (INA) ڕایگەیاند: "باکۆی پایتەختی ئازەربایجان، دەستپێکردنی کارەکانی خولی بیستەمی کۆنفرانسی یەکێتیی پەرلەمانەکانی وڵاتانی ئەندام لە ڕێکخراوی هاوکاریی ئیسلامی بوو، بە بەشداریکردنی شاندێکی باڵای پەرلەمانی عێراق بە سەرۆکایەتی جێگری یەکەمی سەرۆکی ئەنجومەنی نوێنەران 'عەدنان فەیحان ئەلدولەیمی'"؛ ئاماژەی بەوەش دا کە "شاندەکە لە ئەندامێتی خۆیدا پەرلەمانتاران؛ حوسێن موئنس عەبد، محەمەد کەعۆد کازم، ئاسۆ عەلی، و خەدیجە وادی مەجید، لەگەڵ سکرتێری گشتیی ئەنجومەنی نوێنەران سەفوان بەشیر ئەلجەرجەری لەخۆدەگرێت".