بەغدا - INA- فاتیمە ڕەحمە
ئەمڕۆ شەممە وەزارەتی بەرگری وەرگرتنی بڕێكی زۆر چەكی ڕاگەیاند، هاوكات دووپاتی كردەوە كە هیچ خشتەیەكی كاتی نییە بۆ پڕۆسەی چەسپاندنی چەك لەژێر كۆنترۆڵی دەوڵەتدا.
لیوای فڕۆكەوان تەحسین خەفاجی، بەڕێوەبەری ڕاگەیاندن و ڕێنمایی مەعنەوی لە وەزارەت، بە ئاژانسی هەواڵی عێراقی (INA)ی ڕاگەیاند : پرۆسەی چەسپاندنی چەك لەژێر كۆنترۆڵی دەوڵەتدا، بە پشتبەستن بە ڕێنمایی ڕاستەوخۆی فەرماندەی گشتی هێزە چەكدارەكان عەلی فەلح زەیدی، سەرۆك وەزیران، و بە پاڵپشتییەكی بەهێزی دەسەڵاتە سەربازییەكان و دەوڵەتی عێراق و یاسای عێراق. ڕوونیشیكردەوە : ئۆپەراسیۆنەكە بە سەرۆكایەتی جێگری فەرماندەی ئۆپەراسیۆنە هاوبەشەكان لە شاری سامەڕا دەستیپێكردووە و شایەتحاڵی وەرگرتنی ژمارەیەكی زۆر چەك بووە.
ئاماژەی بەوەشكرد : پرۆسەی گواستنەوە و یەكگرتن ئاڵۆز و گرنگە، پێویستی بە چوارچێوەی یاسایی و ڕێكخراوەیی و دابینكردنی پۆستی كار هەیە، بە لەبەرچاوگرتنی پەیوەندییەكەی بە چەكی قورس و ئامێر و كارمەند و مووچە و شایستەی كارەوە.
خەفاجی ئاماژەی بەوەدا : كە لیژنەكە بریتییە لە سكرتێری كەسی و یاریدەدەری سەرۆكی ئەركان بۆ كارگێڕی (بەرپرسە لە دۆسیەی پۆلێنكردنی كار)، هەروەها ڕاوێژكاری یاسایی لە وەزارەتەكانی بەرگری و ناوخۆ، و بەڕێوەبەرە یاساییەكان لە سەرجەم دەزگا ئەمنییەكان، بۆ دڵنیابوون لە چوارچێوەی یاسایی بۆ پرۆسەكە لە شوێنی خۆیدا.
دووپاتی كردەوە : كە هەنگاوی گرنگ لە ئێستاوە دەستیپێكردووە بە پشتبەستن بە یاسا و ڕێسا و ڕێكارە دامەزراوەكان بۆ پرۆسەی دامەزراندنی، هەمووانی دڵنیاكردەوە كە كاركردن لەسەر ئەم دۆسیانە بە ئاسانی بەڕێوەدەچێت، و هیچ كاتێكی دیاریكراو نییە بۆ تەواوكردنی.