بەغداد- INA
سەرۆکی ئەنجومەنی باڵای دادوەری دادوەر فایق زێدان، ئەمڕۆ چوارشەممە، سوپاسی خۆی ئاراستەی ڕەوتی نیشتمانیی شیعە و بزووتنەوەی عەسائیبی ئەهلی حەق و کەتیبەکانی ئیمام عەلی کرد، بۆ وەڵامدانەوەی بانگەوازی مەرجەعیەتی باڵای ئاینی و جێبەجێکردنی دەستوور و یاسا لە سنووردارکردنی چەک لە دەستی دەوڵەتدا.
ئەنجومەنی دادوەری لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "سەرۆکی ئەنجومەنی باڵای دادوەری دادوەر فایق زێدان، سوپاسی ڕەوتی نیشتمانیی شیعە و بزووتنەوەی عەسائیبی ئەهلی حەق و کەتیبەکانی ئیمام عەلی کردووە بۆ وەڵامدانەوەی بانگەوازی مەرجەعیەتی باڵای ئاینی و جێبەجێکردنی دەستوور و یاسا و بڕیاری چوارچێوەی هەماهەنگی و بانگەوازی عەقڵ و داواکارییە نیشتمانییە دڵسۆزانەکان بۆ سنووردارکردنی چەک لە دەستی دەوڵەتدا، کە سەرۆکی ئەنجومەن لە گوتارەکەیدا لە ڕێککەوتی ٤ / ١ / ٢٠٢٦ جەختی لێکردبووەوە".
بەگوێرەی بەیاننامەکە، سەرۆکی ئەنجومەن داوای لە گروپەكانی تری مقاومە کردووە کە "پەیوەندی بە براکانیانەوە بکەن کە ڕەزامەندییان لەسەر ئەمە دەربڕیوە، لەپێناو بەدیهێنانی ئاسایش و سەقامگیری کۆمەڵایەتی".