بەغدا - INA
ڕاوێژکاری ئاسایشی نیشتمانی، قاسم عبوودی، ئەمڕۆ چوارشەممە جەختی کردەوە کە ئابووری، ڕووبەڕووبوونەوەی گەندەڵی و رادهستكردنی چەک بۆ دەستی دەوڵەت، له كاره گرنگهكانی حکومەتن.
نوسینگەی ڕاگەیاندنی ڕاوێژکاری ئاسایشی نیشتمانی بۆ ئاژانسی هەواڵی عێراقی(INA) نێردراوه تێیدا هاتووه "عبوودی پێشوازی لە باڵیۆزی شانشینی یەکگرتوو (بەریتانیا) لە عێراق، عیرفان سدیق کرد، و لە کۆبوونەوەکەدا تاوتوێی بەهێزکردنی پەیوەندییەکانی دۆستایەتی و هاوکاریی نێوان عێراق و شانشینی یەکگرتوو کرا، بە جۆرێک کە لە خزمەت بەرژەوەندییە هاوبەشەکانی هەردوو وڵات و گەلانی دۆستدا بێت."
عبوودی لە کاتی کۆبوونەوەکەدا، بەپێی ڕاگەیەندراوەکە، ئاماژەی بەوە دا کە "حکومەتی عێراق لە ناو پێشینەکانی بەرنامە وەزارییەکەیدا پرەنسیپی کراوەیی بەرامبەر وڵاتانی برا و دۆست داناوە، بەپێی سیاسەتە هاوسەنگەکەی لەگەڵ هەموواندا"، و ڕوونی کردەوە کە "ئابووری، ڕووبەڕووبوونەوەی گەندەڵی و رادهستكردنی چەک بۆ دەستی دەوڵەتدا، لە گرنگترین كارهكانی حکومەتی عەلی فالح زەیدین."
عبوودی ئەوەشی خستەڕوو کە "سەقامگیریی ناوچەکە و چەسپاندنی ئاسایشەکەی، ڕەنگدانەوەی ئەرێنیی لەسەر عێراق و وڵاتانی ناوچەکە و جیهان دەبێت"، ئاماژەی بەوەش دا کە "عێراق هەوڵ دەدات بۆ بونیاتنانی ئاشتییەکی هەرێمی و نێودەوڵەتی بە هاوکاری لەگەڵ هاوبەشەکان و لە ڕێگەی کەناڵە دیپلۆماسییەکان و گفتوگۆوە، چونکە ئەوان تاقە ڕێگەن بۆ بەدیهێنانی ئاشتیی بەردەوام کە هەمووان ئاواتی بۆ دەخوازن."
لە لایەنی خۆیەوە، باڵیۆزی بەریتانیا جەختی کردەوە لە "پەرۆشیی شانشینی یەکگرتوو بۆ فراوانکردنی پەیوەندییەکانی نێوان هەردوو وڵات، و پشتیوانیکردنی بەرنامەی حکومەتی سەرۆکی ئەنجومەنی وەزیرانی عێراق"، و زۆر سوپاسی خۆی دەربڕی بۆ هەوڵەکانی حکومەتی عێراق و بەرنامە چاکسازییە ئامانجدارەکەی.