بەغداد – INA
سەرۆکی ئەنجومەنی وەزیران عەلی فالح زەیدی، ئەمرۆ چوارشەممە جەختی لە پەرۆشیی حکومەت کردەوە بۆ چاودێریکردن و گرنگیدان بە هونەر، وەک ناسنامە و پەیامێکی شارستانی کە گوزارشت لە عێراق دەکات.
نووسینگەی ڕاگەیاندنی سەرۆک وەزیران لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "سەرۆکی ئەنجومەنی وەزیران عەلی فالح زەیدی، ئەمرۆ چوارشەممە پێشوازی لە ژمارەیەک هونەرمەندی عێراقی کرد."
لە بەیاننامەکەدا هاتووە: "زەیدی بەخێرهاتنی شاندەکەی کرد و بەبۆنەی جەژنی قوربانی پیرۆزەوە پیرۆزبایی لێکردن، و داوای لە خوای گەورە کرد کە ئەم جەژنە بە خێر و بەردەوامیی سەقامگیری بۆ گەلی عێراق بگەڕێنێتەوە." هۆروەها جەختی لە "شانازیپێکردنی خۆی بە توێژی هونەرمەندان کردەوە کە لە ساڵانی ڕابردوودا تووشی ناڕەحەتی ببوونەوە"، و تەئكیدیشی لەسەر "پەرۆشیی حکومەت کردەوە لە چاودێریکردنی هونەر وەک ناسنامە و پەیامێکی شارستانی کە گوزارشت لە عێراق و بیرەوەری نەتەوە دەکات."
زەیدی ستایشی "هەوڵەکانی ئەو هونەرمەندانەی کرد کە توانیویانە ئازار و دۆسیەکانی وڵات بەرجەستە بکەن، لەو ساتانەی کە زۆرێک لە خەڵکی بێدەنگییان هەڵبژاردبوو"، و پێزانینی خۆی نیشاندا بۆ "ڕۆڵی ئەوان لە زیندووکردنەوەی مێژوو و کەلەپووری عێراق."
سەرۆکی ئەنجومەنی وەزیران گوێی لە پێشنیار و سەرنجەکانی میوانەکان گرت، و جەختی لەسەر "کارکردنی ڕژد بۆ پێشکەشکردنی پاڵپشتی بە هونەرمەندان" کردەوە، و ئاماژەی بەوەدا "تەواوی ئەو کێشە و داواکارییانەی کە لەلایەن ئەوانەوە خرانەڕوو، دەخرێنە ناو بەرنامەی حکومەتەوە، بۆ ئەوەی ببنە نەخشەی ڕێگایەک کە گوتەکانی حکومەت وەربگێڕێتە سەر کرداری بەرجەستەکراو کە خزمەت بەم توێژە سەرکەوتووە بکات."
لە کۆتاییدا سەرۆکی ئەنجومەنی وەزیران، عەلی فالح زەیدی وتی: "هونەر ناسنامەی عێراق و بیرەوەری نەتەوەییە، نەک کاتبەسەربردن."